Young Stunners - Naraaz Na Hona Lyrics (Black Day)

A tribute to the martyrs of APS Peshawar by Karachi based independent rapper/lyricist Talha Anjum..

Artist: Young Stunners (Talha Anjum)

Song: Naraaz Na Hona

Gaye thy hasty hasty

Pehan ker apne basty

Ab tak wapis nai aye

Kiya bhool gaye ghar ke rasty

Subha to buhat khush thy

Kiya ab naraz ho maa se

School ho chora tha na

Jane kahan chaly gaye wahan se

Uth rahy hon ge maa baap ke dil aj ye sawal

Is maa ke laal ka uniform ho gaya laal

Aik hi baat ki duhai

Ke ye nahi siyai

Jism ke dard se jab choti choti ankhein bhar ayi

Har taraf cheekh pukar

Lekin nai koi andaza

Ye shairi zayafat nahi

Isko samjho takaza, takaza

Ke kal tumhare bhi bache hon ge

Ye nai bach sakty, kiya zamanat wo bach sakein gy?

Hamary mein to itni bhi ghairat nahi

Fajar tak jagty hain per zara sa bhi Khuda ka zikar nahi

Woh sab kuch de kar wapis lena bhi janta hai

Phir bhi tu khud ko jannat ka thekedaar manta hai

Naraaz na hona ham se

Ham hain tumhare dam se

Tum se hi to hai ye jahan

Koi bata mujh ko, sahi bata de mujhko

Aakhir ye jannat hai kahaan...???


Mein ne kaha tha na mein ne aaj nai school nai jana
Dekhein in logon ne aj mujhe kitna zayda maara
Shaheed ka kia matlab hai sab kehty hain ke mein woh hon
Ap ro rahi hain meri aankhein band hain kaise ro'on
Sab kehty hain shaheed hona achi baat hoti hai
To phir ap pori raat zar-o-kitaar kyun rooti hain?
Mein bhaaga jab darr kar to mujh per golian chalai
Mein buhat cheekha kia apko awaaz nai ayi?
Meri teacher ko jalaya, woh jaga se nai hili
Aur kuch nazar nai aya, chupne ki jaga nai mili
Ap kehti thin Kalma parho to khush hoty hain Allah Jee
Mein ne Kalma parha unhon ne goli chala di
Mein buhat pyasa tha kaash thora paani mil jata
Patti bhi kar leta agr doctor ban jata
Woh mujhe maar ke khush thy matlab mein bura tha
Seene mein goli lagi buhat zoor se gira tha, buhat khoon baha
Ammi kapre bhi gande ho gaye, 
Ap hans kar kahein na ke tum apne kapre khud dho ge
Jaise ap kehti thi jab bahir khelne jata tha
Mujhe pata hai mein apko buhat stata tha
Baba ap kyun ro rahy hain wo bhi aj pehli baar
Ap to kehty thy rona hai buhat buri baat
Ammi maaf kijiye ga mein Khuda Hafiz nai keh saka
Apki khidmat karne k liye zinda na reh saka
Mein aasman mein taara ban kar Apko dekha karon ga
Acha ban kar rahon ga, kisi se bhi nai laron ga
I love you Maa aur apki buhat yaad aye gi
Lekin Maa kiya ap mujh se milne nai ayen gi?
Bas thori deir ke liye, warna mein buhat darron ga
Bas apko dekhon ga aur zoor se hug karon ga
Ammi apto mujhe saari baatein btati thi
Kyun nai bataya school ke rasty mein jannat aati thi
Naraaz na hona hum se
Hum hain tumhare dam se
Tum se hi to hai ye jahan
Koi bata de mujhko 
Sahi bata de mujhko
Aakhir ye jannat hai kahaan........ :(